[惡搞無極限] 就係咁，我同幾個豬朋上左大陸獵金: ２９７　半封遺書

在場中，所有人都圍住武則天一個人，但係無人咁上前，因為只要入左佢既攻擊範圍內既人，必死無疑。

碇司令係高處冷眼地看住呢一切既發生，好似一Ｄ都無膽心過拎唔到封信，反而有一重睇戲既感覺。

武則天面對住所有一動不如一靜既人，採取左主攻，佢每一下揮刀都命中目標，而且佢好似已經做好左心理準備感，唔殺清佢地，佢係唔會走。

人一個又一個倒下，碇司令就講左一聲：「親衛隊，我想這件事早點完結。」只係簡單既一句話，三個人唔知係邊度走出黎，三個人既打扮有Ｄ奇怪，分別都係著住同一色系既衫。

藍色、紫色、紅色……呢三個人企左係武則天既面前。





「你們就是傳說中的碇司令親衛隊嗎？」武則天問完後揮一揮刀，將刀上面染有既血灑落地。

而果三個人無講過一句野。

「奇裝異服，就等我好好地收拾……」武則天都未講完，紫色果個人已經衝到佢面前冷不防亮出小刀，一下就對準武則天既心臟剌過去。

武則天雖然閃開左，但係都擦傷左隻手，而紫衫既果個人就繼續個勢進攻，武則天好辛苦先將個距離打開，但係另外兩個人已經衝左上黎。

一拳難敵四手，更何況武則天只用一把刀對付碇司令三個親衛兵。





「你們快點吧。」碇司令既一聲令下，「是！」三人既回答，親衛兵既速度加快，三個人同時上前，而武則天係江湖上咁耐，第一次有想逃走既諗法。

佢已經頂唔到幾耐，果三個人向住佢袋左封遺書既位置不停進攻，佢都開始有疲態既出現。

然而，原來有一個一直跟住佢既飛車黨成員係出面，係頭盔男，佢接左個電話後，就向住武則天大叫：「當家！手術成功！」

武則天聽到呢一句後，心中好激動，但係面對住三個人既佢，又邊有咁多時間理呢Ｄ野，不過呢一句，令到武則天更加想做佢從來未做過既事。

佢望一望部愛車，把心一橫，逃走，佢呢一生人都未試過，但為左可以見佢個仔一面，佢決定逃走，因為再打落去，佢一定唔會夠果三個人打。





武則天騎上戰車，開足馬力向屋外飛馳，果三個人想過上去，但係比碇司令喝止住，「初號機，妳上好了，你們兩個就跟我走，還有更重要的事要處理。」碇司令講完後，就同另外果兩個人走左。

剩低既初號機追左出去。

而人既腳步黎講，根本無法追得上電單車，但係初號機好似暴走左咁，發狂咁追左上去，係倒後鏡見到既武則天都嚇左一跳，但係當佢嚇一跳既時候，初號機，亦即係紫既既人，已經用小刀係佢大腿上面劃左一刀，而呢一刀，除左傷左武則左大腿上既動脈外，就劃破左裝遺書既袋。

遺書比初號機一分為二，而有一半更飛左出黎，初號機見到就即刻去搶，不過，就比武則天走甩左。

武則天最後都可以係碇司令呢班人入面走出黎，但係已經身負重傷，跟住佢身後既頭盔男，見到佢既血染成一條血路，已經叫佢醫治，但係武則天無理到，可能，佢知道自己如果唔盡快返去見個仔，就再無機會。

返到醫院，小男孩走完手術訓左係床上面，武則天衝入醫院果一剎那，所有人已經上前叫佢醫治，但佢都係無理到，血染過佢所行既路，佢慢慢走到小男孩既房間，唔知係未醫生特登，定自己既錯覺，呢間病房，充滿左榴槤味。

佢好辛苦行到床邊，摸一摸小男孩既臉，而頭盔男一直係武則天既身後面，等待住武則天既說話。

「以後……你們一定要好好照顧我兒子……」武則天用盡自己既力話。





「是……」頭盔男忍住淚水答。

「還有……這半封的遺書要好好保管，我已經失了一半的信用，不想把另一半也失去。」武則天從袋中拎出果半封既遺書，放係小男孩既旁邊，而頭盔男上前拎起答：「一定。」

武則天繼續望住小男孩，佢果重複雜既眼神，帶住希望又帶住失望，「好像，繼續駕車飛馳……」佢既視線開始糢糊，「好像，再跟你食榴槤……」無力既佢，手放到小男孩既心口上面，「……一定要……好好活上去。」

武則天講完呢一句後，就倒下了。