[惡搞無極限] 就係咁，我同幾個豬朋上左大陸獵金: １５５　機會黎拿飛雲

其實突然多左個阿妹既感覺係……我都唔識形容，但係當你見到一個本來好喪既女仔可以無啦啦係你面前好好笑容，又會嗲下你又剩，你就會覺得呢一種變化好神奇。

但時興隆係我阿妹，究就可唔可以比我Ｄ兄弟知呢個問題，而家係我腦入面不停係度轉緊。

「阿妹啊？」我竟然都叫左佢做阿妹，「妳覺得我好唔好話比我Ｄ朋友知？」

佢好天真咁望住我，「點解唔講啊？」

係ＷＯ？點解唔講呢又，佢咁問度我又真係無諗過ＷＯ，我比佢問到Ｏ晒咀咁望住佢，而佢真傻笑係度咁話：「阿哥我發現你會成日無啦啦定神呆左咁望住人，好搞笑。」





「哈……」我傻笑咁附和。

「如果阿哥唔想講，就唔講啦，呢件事你知我知未得囉。」時興隆話，然後佢轉左另一個話題：「阿哥有無女朋友架？」

點解可以轉話題轉得咁快。

「有……既。」我點一點頭。

「阿嫂係點架？」佢好興奮咁問。





佢咁問度，我就拎左我部電話出黎，開左我周阿欣Ｄ相佢睇。

「阿嫂好靚ＷＯ，阿哥你眼光都幾好ＷＯ，一睇阿嫂就知道係溫柔果Ｄ人啦。」佢話。

溫柔！？呢個未用係阿欣身上係未有Ｄ怪呢？

「我諗我周阿嫂一定好夾姐。」佢笑住拎左我部電話走，睇我同阿欣Ｄ相。

而佢同先果一句話，我相當認同，因為佢地兩個都咁喪，一定好夾。





我拎住兩條鏈咀，心諗，其實我而家未有機會問阿妹關於阿爸Ｄ野，同埋阿爸留左Ｄ咩比我囉！！！

機會黎拿飛雲！！！