[惡搞無極限] 就係咁，我同幾個豬朋上左大陸獵金: ９９　有無咁巧恰啊

「唔好意思，我想請問呢……」我其中一位兄弟阿輝話：「順豐速運可以運證件架咩？」 

ＭＡＮ姐聽到佢咁問後，笑左笑：「有咩野係大陸係做唔到架？」 

我地四個人聽到呢句後都無野好講。 

「咁妳想我地幫妳運批咩野貨？」阿俊問ＭＡＮ姐。 

「貨你地唔駛理咁多。」佢講完後就叫左個人寫左個地址同接頭人個名比我地。 





「等等，就算我地話都比我地知道好ＷＯ。」阿輝不停咁叫嚷。 

而ＭＡＮ姐冷笑左一聲，「呢度而家我話事，你地無得揀。」 

而家肉隨針板上，仲可以點，唯有死死地氣咁唯命是從。

而剛剛捉住我地既人都放開左我地，我地四個人睇住張紙，上面個地址，我地根本都唔知點去。 

「呢個地方係邊架？」阿倫問。 





「你地自己百度下未知囉，我會比部車你地，但唔知你地用唔用得著。」ＭＡＮ姐話。 

「用得著！」阿倫話：「點都要左先算！」咁又係，阿倫本身有香港車牌，我諗係大陸開車只係有少少分別掛。 

而當我將個目光由個地址上面，慢慢轉到地址下面果三個字果陣，「ＭＡＮ姐，咩大陸有地方叫做『時興隆』架？」 

「佢就係個接頭人。」ＭＡＮ姐話。 

等等，呢個名咁熟既！？我諗係我阿爺死前講既一番話，佢叫要搵一個叫時興隆既人，唔通就係呢個人。 





而我幾位兄弟呢個時侯都望住我，因為我果兩位兄弟知情，應該知道我諗緊咩，而阿俊果晚們聽我講野時我都有提過，所以佢應該都知道。