[惡搞無極限] 就係咁，我同幾個豬朋上左大陸獵金: ６４　ＭＡＮ姐

我眼前呢位小姐……其實我都唔知佢係未真係小姐黎，事關佢由頭到腳，都無一個地方係散發住女性既特質。 

暫時稱呼住佢叫女漢子先啦…… 

「你兩個仆街三唔識七行到我身後面大叫！想死啊！」呢個女漢子中氣十足咁怒屌緊我地。 

我見到佢咁緊係變晒鵪春啦，而阿俊佢本身係古惑仔，見慣呢Ｄ場面既佢緊係回返幾句：「呢度成條街咁大！我鐘意企邊都得！除非條街係妳架啦！」 

就係阿俊同呢個女漢子嘈緊之際，我發現所有人都望向左我地。 





咁又係既，見有人係到嘈，點都會睇下架拿，但係點解望過黎Ｄ人既目光，咁奇怪既，好似想打９我地咁既眼神…… 

嘈到咁上下，Ｄ人開圍埋黎，而我就拍一拍阿俊，「喂，不如算啦。」 

但阿俊好似比人拍著左制咁，起勢不停咁駁個女漢子，直到佢講左一句：「無男人滋潤妳所以咁燥啊！拿拿聲返屋企照下鏡！攪店妳自己先再出黎行街啦！」 

「你講咩閪野啊！！！！！」呢句說話，唔係個女漢子講既，而家圍左埋黎班佬講既，其聲勢浩大，要係現在先感受到，係文字上我只可以用五個感嘆號表示。 

我見到咁既形勢，緊係嚇左一跳，而阿俊都比佢嚇左一嚇。

而係我同阿俊面前果位女漢子，就嬲到紅都面晒咁啤住我地兩個。 

「ＭＡＮ姐！」在場Ｄ佬又係到吶喊，我諗佢地講果個ＭＡＮ姐，應該係呢位紅都面晒既女漢子……